ટૂંકી વાર્તા 69
ટૂંકી વાર્તા..
ડૉ. શશાંક.! હાઇવે પર ફૂલ સ્પીડે જતી આપની B.M.W. ને આપે અચાનક શોર્ટ બ્રેક મારી અટકાવી. હાઇવૅના કિનારે આવેલી એક વાડી પાસે પડેલું એ 'GJU 530 ' આપની નજરે ચઢ્યું ને આપનું બાળપણ સળવળી ઉઠ્યું..હા..આ એ જ રાજદૂત હતું જેના પર બેસી આપે બાળપણ માણ્યું'તું...પછી તે પશા પટેલની ખાટી આંબલી ખાવા જવાનું હોય કે બાજુના ગામમાં ભવાઈ જોવા.અરે.!આ રાજદૂત પર બેસાડીને આપના પિતાજીએ આપને બાલમંદિરથી શરૂ કરી ડૉ. સુધીની સફર કરાવેલી..હા..ફરક એટલો કે મેડિકલ કૉલેજમાં આપ જાતે 'રાજદૂત' રાઈડ કરી જતા.ત્યારે બધી 'ગર્લ્સ' આપની અદા પર ફિદા થઈ જતી.!
ને એવી એક 'ગર્લ' પર આપ ફિદા થઈ ગયા..બાળપણથી જ 'મા' ખોઈ બેઠેલા આપ પિતાજી પાસે દરેક 'જીદ' પુરી કરાવતાં.. તો આ પણ થઈ...પણ એ 'ડૉક્ટર ગર્લ' પત્ની બનતા આપે એની 'જીદ' પુરી કરવામાં પિતાજીને 'વૃદ્ધાશ્રમ'માં રહેવા મજબૂર કર્યા..ઓહ..! ડૉકટર આ 'રાજદૂત' તો બાળપણથી જુવાની સુધીની સફર કરાવી લાવ્યું...ને ડૉ. શશાંકની આંખો ભીની થઇ.!
-બેફિકર
Comments
Post a Comment