Befikar's Box

*મંગુ* વિનયરાય..આપ આપના અતિ આધુનિક 'જવેલર્સ સ્ટોર' માં પણ પરસેવે રેબઝેબ થઈ ગયેલા ને 'હાશ..માંડ... છૂટ્યા..! એમ વિચારતાં બેઠા હતા પણ જો આપ એ ટોળકીની પાછળ-પાછળ થોડાં બહાર નીકળ્યા હોત, તો આપે કંઈક નવું જ જોયું હોત...હા... વિનયરાય એ મંગુને તમે બાળપણથી ઓળખો છો એ વાત સાચી પણ ફક્ત 'બાળપણમાં' અત્યારે 'જુવાનીમાં' નહિ..! લ્યો માંડી ને વાત કરું..આપના ઘરે કામ કરતી વિધવા માં સાથે ક્યારેક-ક્યારેક કામમાં મદદ કરવા આવતી એ મંગુને તમે એની વિધવા માંના મર્યા પછી છેક આજે જોઇ..અને એ પણ સવાર-સવારમાં તમારા સ્ટોરમાં એનાં ચાંદીના છડા વેચવા આવી ત્યારે..! એની આજીજીઓ સાંભળી તમે એ છડાની કિંમત કરતાં પણ વધુ રૂપિયા એ મંગુને ગણી આપી જેવા છડા ખાનામાં મુકવા જતાં હતાં એટલામાં જ આપને ત્યાં 'પોલીસ' આવી અને મંગુ અને આપ બંનેની 'ચોરીનાં માલ' બદલ ધરપકડનું કહેવા લાગી..આપે રોકડા રૂપિયા પચાસ હજાર ગણી આપી માંડ-માંડ મામલો પતાવ્યો.. છતાં પોલીસ મંગુને તો લેતી જ ગઈ...પણ જો તમે એની પાછળ-પાછળ બહાર નીકળ્યા હોત તો મંગુ અને એ નકલી 'પોલીસ'ની એકબીજાને તાળીઓ આપતી જોઈ આપ નવાઈ પામી જાત...વિનયરાય...

*એસિડ એટેક્સ* કુમારી શૈલજા સંન્યાસી..બાહોશ સી.બી.આઇ. ઇન્સ્પેક્ટર..અઘરામાં અઘરા કેઇસીઝ જ્યારે ઉકેલવામાં મુશ્કેલી પડે ત્યારે ડિપાર્ટમેન્ટ આપને એ કેઇસ સોંપતું અને આપ એ બિનચૂક 'સોલ્વ' કરી નાખતા..આવો જ એક કેઇસ આજે આપે ઉકેલી નાખ્યો છે..શૈલજા.. પણ આપ એ કેઇસ ખુલ્લો કરવો કે અનસોલ્વ જ રાખવો એ વિમાસણમાં છો...કેસની વિગત કંઇક આવી છે..શહેરમાં રખડતાં આખલાઓ પર કોઈકે અચાનક એસિડ એટેક્સ ચાલુ કર્યા અને એમાં પણ આખલાઓ પર એક ચોક્કસ જગ્યાએ જ એસિડ ફેંકી એને 'બળદ' બનાવી દેવાની એકસરખી સ્ટાઇલના હુમલાઓથી પુરા શહેરમાં હાહાકાર થઈ ગયેલો અને જીવદયા પ્રેમીઓએ તો 'કકળાટ' મચાવી દીધેલો ત્યારે આપને સોંપાયેલ કેસ સોલ્વ કર્યો ત્યારે આપ વિમાસણમાં પડ્યા...હા.. શૈલજા જ્યારે આખલાઓ પરનાં એ અમાનવીય કૃત્ય માટે આપે શહેરનાં એક 'હિજડા'ને ગિરફ્તાર કર્યો ત્યારે એની રડતી આંખે કબૂલાત સાંભળી આપ પણ હચમચી ગયેલા...હા..એ જ્યારે યુવાની તરફ ડગલાં માંડી રહ્યો હતો ત્યારે બે આખલાઓએ લડાઈમાં એને અડફેટે લીધેલો...જીવ તો બચી ગયેલો પણ  એ યુવાન કાયમી 'હિજડો' બની ગયો..બસ એ 'વેરની વસુલાત' એ એસિડ એટેક્સથી કરે છે....

*નૅમપ્લેટ* જીવિશા... તારો પતિ એટલે કે સુદત્ત ત્રિપાઠી પોતાની કારકુનીની નોકરીમાં મળે એટલી લૉન લઈને તારા માટે એક નાનકડું પણ સુંદર મકાન બનાવી રહ્યો છે જે લગભગ પૂર્ણ થવાના આરે છે ત્યારે એ તારી ભાષામાં 'હરખઘેલો' ને મારી ભાષામાં 'બિચારો' આજે એ મકાનની 'નૅમપ્લેટ' માટે ત્રણ-ચાર જાતની ડિઝાઇન પોતાના ઓફીસ કોમ્પ્યૂટરમાં બનાવી લાવ્યો છે..જેમાં નામ છે...જીવિશા સુદત્ત ત્રિપાઠી...તને પોતાને એક-બે ડિઝાઇન ગમ્યા છતાં તે તમામને 'રિઝેક્ટ' કરી છે..! જેથી સુદત્ત નવી ડિઝાઇન કરી લાવીશ તેવી ખાતરી સાથે તારી 'ફેશનેબલ' અદાને જોતો ખુરશીમાં બેઠો છે ને તું તારા મનમાં સોસાયટીના ગેટ પર આવેલા એ કરોડોના બંગલા પર એક 'નૅમ પ્લેટ'ની રોમાંચક કલ્પના કરતી-કરતી તારા 'થાકેલા' પતિ માટે ચા બનાવી રહી છે..હા, જીવિશા એ બંગલાનાં કરોડપતિ માલિક જોય ચક્રવર્તી સાથે હમણાં-હમણાંથી તારો 'પ્રેમસંબંધ' બંધાયો છે અને તેણે ટૂંક સમયમાં જ તને 'જીવિશા જોય ચક્રવર્તી' બનાવવાની ખાતરી આપી છે...!પણ જીવિશા....તું આખરે 'જીવિશા સુદત્ત ત્રિપાઠી' જ રહેવાની છે કેમ કે, ધનિકોની સ્ત્રીઓ...

રંગવાળાને ત્યાંથી.. 10 લી. અસ્તર 10 લી. રોયલ વ્હાઇટ 10લી. રોયલ સુગરનટ 0126 2 બ્રશ 2 રોલર 1 સ્ટેનર 10 કાચપેપર 1 ડૉ. ફિક્સઇટ..345-----16000 ડિપોઝીટ..24/4/18 2 લી. Talk... on22 10 લી. એક્સટિરિયર અસ્તર 2 નંગ તાર બ્રશ 2 નંગ 500 gm ડૉ. ફિક્સઇટ ...

*ટૂંકી વાર્તા* રેવતી...તું આજે બરાબર અકળાયેલી છે અને તે આજે મનોમન નક્કી જ કરી લીધું છે કે,'આજે તો પૂછી જ લેવું છે...કેમ મારો પીછો કરો છો રોજ? હું વિધવા છું એટલે મને એકલી જાણીને પરેશાન કરો છો...?' પણ રેવતી તું થોડી સાચી અને થોડી ખોટી છે એટલે કે તારી હકીકત સાચી છે કે એ તારો રોજ પીછો કરે છે પણ એ કલ્પના ખોટી છે કે તું વિધવા છે એટલે એ તારો પીછો કરે છે..! વાસ્તવમાં એને તું વિધવા છો એ ખબર પણ નથી..ને તારો પીછો કરવાનું કારણ તું નથી પણ તારી એ પાંચ વર્ષની નાનકડી દીકરી છે..! હા... રેવતી એની પત્ની અને તારી દીકરી જેવડી જ અને એના જેવી જ દેખાતી એની દીકરીનું આશરે એકાદ વર્ષ પહેલાં એક ટ્રેન અકસ્માતમાં મોત થયું છે..અને તે દિવસે બજારમાં તારી આંગળીએ તારી દીકરીને જોઈ ત્યારથી એ એની એક ઝલક જોવા જ તારી પાછળ-પાછળ આવે છે...!-બેફીકર

ટૂંકી વાર્તા...         શેરીમાં કૂતરીને રડતી સાંભળી તને શહેરનાં પ્રખ્યાત ફર્ટિલિટી સેન્ટરમાં સૂતાં-સૂતાં ચિંતા થઈ રૂપા..! તારા મૂંગા રુદનનો તે જાણે પડઘો પાડતી હોય એવું તને લાગ્યું..! તે તારા પતિ સામે જોયું તો એ 'દારૂડિયો' ખૂણામાં ટૂંટિયું વાળીને પડ્યો હતો..આખરે કુતરીનું રુદન સહન ન થતા તે તારી સાત વર્ષની છોકરીને બહાર જઇ કુતરી શું કામ રડે છે તે જોવા જવાનું કીધું...છોકરીએ વળતાં સમાચાર આપ્યા કે,'માં...એનું ગલુડિયું કોઈક ચોરી ગયું..!' ને પથારીમાં સૂતાં-સૂતાં તે વિચાર્યું ...એણે પણ 'કૂખ ભાડે' આપી હશે..!-બેફીકર

ટૂંકી વાર્તાઓ..121 થી ટૂંકી વાર્તા...121         તમે લાકડીના ટેકે-ટેકે રોજ આવીને વડલાને થડીએ ટેકો દઈ, ઝાંખી નજરે એ 'હાઈ-રાઈઝ બિલ્ડીંગ' સામું જોઈ રહેતા.કલાકો સુધી એકધારું જોયા પછી વળ...