ટૂંકી વાર્તા..101
ટૂંકી વાર્તા..
ધ્રુવ..તું..અને ધ્રુવક બે જોડિયા ભાઈઓ..દેખાવે એક સરખા..પણ સ્વભાવે તદ્દન વિપરીત..તું સીધોસાદો અને ધ્રુવકની ઉપમા ગામે 'ઉતાર' આપેલી..કેટલીય વાર એવું પણ બનેલું કે વાંક ધ્રુવકનો હોય ને માર તે ખાધો હોય.! પણ એ રાતનો બનાવ તને કાયમી પીડા આપી ગયો..ધ્રુવ.! હા..ધ્રુવ..તું એ મોડી રાતે બાજુનાં ગામથી ભજન સાંભળીને આવતો હતો ને રસ્તામાં આવતા મસાણીયા કુવા પાસેથી નીકળ્યો ને ઓચિંતો તને ધૂબાકો સંભળાયો.. તું પળનોય વિચાર કર્યા વિના તરત જ કૂવામાં કુદયો ને ડૂબનારને જીવનાં જોખમે બહાર કાઢ્યું..પણ..એ જ તો કારણ બની ગયું..તારા સગા ભાઈનું તારા હાથે મોત થવાનું.!
હા, એ યુવતી એટલું જ બોલેલી..'સાલા..નફ્ફટ..! જિંદગી જીવવા જેવી ન રહેવા દીધી..હવે મરવા તો દે..! તારું પાપ પેટમાં લઈને જાવ છું..!' એમ કહીને તે ફરી કૂદી પડી..તું તરત જ બધુ સમજી ગયો ધ્રુવ...ને ઘરે આવી ધ્રુવકને ઊંઘતો જ મોતને ઘાટ ઉતારી દીધો..!-બેફિકર
Comments
Post a Comment